बिहिवार, आषाढ ११ गते २०८३
बिहिवार, आषाढ ११ गते २०८३
बिहिवार, आषाढ ११ गते २०८३
बिहिवार , आषाढ ११, २०८३
सङ्खुवासभा । यही असार ८ गते आएको बाढीबाट मकालु गाउँपालिकामा निर्माणाधीन कसुवाखोला हाइड्रोपावरमा ठूलो क्षति पुगेको छ ।
अविरल वर्षासँगै आएको बाढी मकालु–२ मा निर्माणाधीन ४५ मेगावटको कसुवाखोला जलविद्युत् आयोजनाको ड्यामसाइटमा बाढी पसेर ठूलो क्षति भएको जिल्ला प्रहरी कार्यालयका सूचना अधिकारी प्रहरी निरीक्षक धनबहादुर राजवंशीले बताए ।
बाढीले निर्माण कम्पनी माउण्टेन इन्फ्रा कम्पनी लिमिटेडको लोडर, मिक्सचर, कङ्क्रिट पम्प मेसिन, ६० टन रड ५०० बोरा सिमेन्ट बाढीले बगाएको कम्पनीका म्यानेजर दीपक महतोले बताए ।
त्यस्तै इसुवा हाइड्रोपावरलाई पनि बाढीले क्षति पुर्याएको छ । सताङदेखि ड्याम साइट जाने मोटरबाटोको करिब दुई किलोमिटर क्षेत्रमा ठाँउ ठाँउमा पहिरो गएको छ ।
आयोजनाका १०० मिलिमिटर व्यासका दुई वटा पाइप पहिरोले बगाएको छ भने बिछ्याइएका करिब २०० मिटर पाइपमा क्षति पुगेको छ ।
पहिरोले दुई घर र एक विद्यालय जोखिममा
पहिरोले मकालु गाउँपालिका–१ मा दुइ घर जोखिममा परेका छन् । पहिरोले मकालु–१ मयुमका आङटेम्बा शेर्पा र सानु शेर्पा घर जोखिममा परेको प्रहरी निरीक्षक राजवंशीले बताए । पहिरोले सिंहेश्वरी आधारभूत विद्यालय पनि जोखिममा परेको छ ।
बाढीले नुर्वुचौर र नुर्वु गाउँ जोड्ने इसुवाखोलाको झोलुङ्गे पुल बगाएको छ भने नुर्वु खोल्सीमा रहेको सार्वजनिक पानीघट्टा तथा चार वटा काठेपुल बगाएको छ ।
पुल बगाएपछि स्थानीय बासिन्दाको आवतजावतमा समस्या भएको छ । पहिरोका कारण सयौँ रोपनी अलैँचीबारी र खेतीयोग्य जमिनमा पनि क्षति पुगेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस