काठमाडौं । सञ्चार तथा सूचना प्रविधि मन्त्रालयका सचिव डा. वैकुण्ठ अर्यालले पनि आफूले ७ पटक बजेट लेख्दा लेखेको बजेटको प्रभावकारी कार्यान्वयन नभएको बताए । उनले सरकारले ल्याएको बजेट कार्यान्वयनको लागि सबैको सहकार्य आवश्यक पर्ने बताए । उनले बजेट कार्यान्वयनको विषयमा सरकारी स्तरबाट पनि धेरै कमी कमजोरीहरु हुने गरेको बताए ।
सचिव अर्यालले बजेट कार्यान्वयनमा निजी क्षेत्रको पनि महत्वपूर्ण भुमिका हुने भन्दै बजेट कार्यान्वयन गर्ने विषयमा सरकार र निजी क्षेत्रबीच सहकार्य नमिलेको बताए । उनले बजेट आउनु भन्दा अगाडि नै सबैसँग संवाद नभए राम्रो बजेट आउने तर कार्यान्वयनमा समस्या भइरहने बताए । उनले डिजिटल फेर्मवर्क सञ्चार तथा सूचना प्रविधि मन्त्रालय ९५ प्रतिशत डिजिटल भएको बताए । उनले मन्त्रालयमा आफू र मन्त्रीलाई कागजमा तोक लगाउन छोडेको बताए । उनले डिजिटल प्रयोगको कारणले मन्त्रालयमा कागजातमा हुने खर्चमा ३७ प्रतिशतको गिरावट आएको बताए । उनले स्थापना भएका सबै स्टार्टअप उद्यम सतप्रतिशत सफल नहुने बताए । उनले तर सरकारले स्टार्टअप उद्यमको लागि आवश्यक नीतिगत व्यवस्था गर्न आवश्यक रहेको बताए ।
यस्तै,उद्योग वाणिज्य तथा आपूर्ति मन्त्रालयका सचिव तोयनारायण ज्ञवालीले बजेट एकदमै सुस्त कार्यान्वयन भइरहेको बताए । उनले बजेटमा व्यवस्था भएका कार्यक्रमहरुका विषयमा सरकार निजी क्षेत्र खुला रुपमा संवाद गर्दा बजेट कार्यान्वयनमा दबाब गर्ने बताए । उनले बजेट कार्यान्वयनमा निजी क्षेत्रले पनि सहकार्य गरेरै अगाडि बढ्नुपर्ने आवश्यकता रहेको बताए । उनले पछिल्लो समय अन्य देशहरुमा कुल जीडीपीको १२ प्रतिशत विदेशी लगानी भित्रिने भएपनि नेपालमा कुल बजेटको ०.४ प्रतिशत मात्रै विदेशी लगानी आइरहेको बताए । उनले विदेशी लगानी भित्र्याउनमा निजी क्षेत्रले पहल गर्न सुझाव दिए । उनले विदेशी देशहरुले लगानी गर्दा विभिन्न अर्थतन्त्रका सूचकहरु हेरेर लगानी गर्ने भएकाले अर्थतन्त्रका विभिन्न सूचकहरु बढाएर विदेशी लगानी ल्याउने वातावरण बनाउन आवश्यक रहेको बताए । नेपालमा साना तथा घरेलु उद्योगहरु धेरै रहेता पनि सरकारले टेक्नोलोजी दिन नसक्दा अझै प्रतिष्पर्धी बनाउन नसकेको बताए ।
उनले चालु आर्थिक वर्षको पछिल्लो ४ महिनामा २ अर्ब २४ करोड बराबरको विदेशी लगानीमा बन्ने १९ वटा परियोजना स्वीकृत भएको बताए ।