काठमाडौं । नेपाल, भुटान र लाओस  सम्मिलित प्रधानमन्त्री कप  त्रिदेशीय  फुटबल  प्रतियोगिताका  लागि टिकट  दर निर्धारण  गरिएको छ। अखिल नेपाल फुटबल संघ (एन्फा) ले सोमबार पत्रकार सम्मेलन गर्दै प्रतियोगिताका लागि साधारणतर्फ ५ सय र भीआइपी प्यारापिटतर्फ १ हजार रुपैयाँ छुट्टइएको जानकारी दिएको हो।

चैत ८ देखि १७ गतेसम्म दशरग रंगशालामा हुने प्रतियोगिता सिंगल राउण्ड रोविनको आधारमा हुनेछ। शीर्ष २ टोलीले उपाधिका लागि खेल्नेछन्।

प्रतियोगिता सम्पन्न गर्न १ करोड ७७ लाख रुपैयाँ खर्च हुने एन्फा प्रवक्ता सुरेश शाहले जानकारी दिए।

प्रतियोगिताका लागि ब्रोडकास्टिङ, टिकेटिङ र डिजिटल अधिकारका लागि एन्फाले न्युनतम ८० लाख रुपैयाँ तोकिएको प्रवक्ता शाहले बताए।