काठमाडौँ । संसद्को प्रमुख प्रतिपक्षी दल नेकपा (एमाले) ले सचिवालय बैठक आह्वान गरेको छ ।
पार्टी केन्द्रीय कार्यालयका सचिव भिष्म अधिकारीले सचिवालय बैठक पार्टी केन्द्रीय कार्यालय च्यासलमा वैशाख २६ गतेका लागि तय भएको जानकारी दिए ।
यसैगरी, वैशाख २५ गतेका लागि केन्द्रीय कार्यालयको बैठक बोलाइएको छ । एमालेले यही वैशाख २९ देखि ३१ गते झापामा केन्द्रीय कमिटी बैठक बोलाएको छ ।
सचिवालय बैठकमा केन्द्रीय कमिटी बैठकको तयारी र समसामयिक विषयमा छलफल हुने बताइएको छ ।
‘केन्द्रीय कमिटी बैठकको तयारी र समसमायिक विषयमा छलफलका लागि बैठक बोलाइएको हो,’ कार्यालय सचिव अधिकारीले भने । केन्द्रीय कमिटी बैठकमा ग्रास रुट अभियानको समीक्षा समेत गर्ने एमालेको तयारी रहेको छ ।