काठमाडौं। प्रधानमन्त्री पुष्पकमल दाहाल प्रचण्डविरुद्ध परेको रिट दर्ता गर्न सर्वोच्च अदालतले आदेश दिएको छ ।
लेलिन विष्टले आफू जस्ता अबोध नाबालकलाई तत्कालीन माओवादीले बालसेनाको रुपमा प्रयोग गरी जबरजस्ती अयोग्य लडाकू भनेर शिविरबाट निकाल्नु युद्ध अपराध गरेको भन्दै प्रचण्डलाई विपक्षी बनाएर सर्वोच्च अदालतमा रिट निवेदन दिएका थिए ।
तर सर्वोच्च प्रशासनले संक्रमणकालीन न्याय अनुरुप निरुपण हुने भन्दै उक्त रिट दरपीठ गरेको थियो।
न्यायाधीश आनन्दमोहन भट्टराईको एकल इजलासले शुक्रबार दरपीठविरुद्ध विष्टले दिएको निवेदनको सुनुवाई गर्दै रिट दर्ता गर्न आदेश जारी गरेको हो ।