काठमाडौं । पत्नी शोकमा परेका प्रधानमन्त्री पुष्पकमल दाहाल ‘प्रचण्ड’ औपचारिक कार्यक्रम तीन दिनका लागि स्थगित गरिएका छन् ।
हिजो (बुधबार) सीता दाहालको निधनपछि पत्नी शोकमा परेका प्रधानमन्त्री प्रचण्डले ३० असारसम्म कुनैपनि औपचारिक कार्यक्रममा सरिक नहुने भएका छन् ।
प्रधानमन्त्रीका प्रेस सल्लाहकार गोविन्द आचार्यका अनुसार तीन दिनलाई सबै औपचारिक कार्यक्रम स्थगित गरिएको हो ।
उनले समवेदना साट्न आउनेहरुसँग यो अवधिमा बिहान ८ देखि ११ र साँझ ४ देखि ६ बजेसम्म भेटको समय मिलाइएको जनाकारी दिए। सल्लाहकार आचार्यले ‘आज पनि समवेदना साट्न आउनेहरुलाई धन्यवाद दिनुभयो, फेरि साँझ हुनेछ’, उनले भने ।