बैतडी । बैतडीमा पहिरोले घर पुरिँदा आमाछोराको ज्यान गएको छ । पुर्चौडी नगरपालिका– २ को भैरु टोलमा पहिरोमा घर पुरिँदा आमाछोराको ज्यान गएको हो ।

गए राति घरमाथिबाट खसेको पहिरोले घर पुरिँदा अन्दाजी २५ वर्षीया अञ्जु जागरी र उनका छोरा पाँच वर्षीय रिजन जागरीको निधन भएको प्रहरीले जनाएको छ ।

इलाका प्रहरी कार्यालय पाटनका प्रमुख, प्रहरी निरीक्षक कमलप्रशाद चौधरीले मृतक अञ्जुका श्रीमान् गोब्बर जागरी घाइते भएको जानकारी दिए ।

स्थानीय र प्रहरीको सहयोगमा घाइते गोब्बरलाई उद्धार गरी उपचार भइरहेको प्रहरीले जनाएको छ ।