एजेन्सी। भारतको संघीय राजधानी नयाँ दिल्लीबाट मुम्बईका लागि उडेको एक विमानभित्रै यौन उत्पीडनको घटना सार्वजनिक भएको छ ।

भारतीय सञ्चारमाध्यमहरुले जनाएअनुसार उडानका क्रममा एक महिला यात्रुमाथि छेडखानी गरेको आरोप पटनाका रोहित श्रीवास्तवमाथि लगाइएको छ ।

आरोप लागेका श्रीवास्तव पेशाले प्रोफेसर हुन् । महिला भने २४ वर्षीया डाक्टर रहेको सञ्चारमाध्यमले उल्लेख गरेका छन्। उक्त घटना इन्डिगो एयरलाइन्समा २६ जुलाइका दिन भएको हो ।

महिला यात्रुको उजुरीपछि प्रहरीले ती प्रोफेसरलाई पक्राउ गरेको जनाइएको छ । समाचारअनुसार दुवै यात्रु आसपासको सिटमा थिए । विमान साढे ५ बजे साँझ उडेको थियो ।