सुनौलो नेपाल
काठमाडौं । सत्तारुढ नेकपा माओवादी केन्द्रले केन्द्रीय समिति विस्तार गर्ने निर्णय गरेको छ । हालसम्म ३८५ सदस्यीय केन्द्रीय समितिलाई विस्तार गरी ४०७ सदस्यीय बनाउने तयारी माओवादी केन्द्रले गरेको बुझिएको छ ।
पार्टी सचिव गणेश शाहले आज बुधवार बिहान बसेको पदाधिकारी र स्थायी कमिटी बैठकले केन्द्रीय समिति विस्तार गर्ने निर्णय लिएको जानकारी दिए ।
बैठकपछि नेकपा माओवादी केन्द्रका प्रवक्ता कृष्णबहादुर महराका अनुसार आजबाट सुरु हुने केन्द्रीय समिति बैठकमा सदस्यता विस्तारकै लागि विधान संशोधन प्रस्ताव पेश गरिँदै छ।
केन्द्रीय समितिले विधान संशोधनपछि महिला, युवा र छुटेका केही सिनियर नेताहरुलाई केन्द्रीय समितिमा समावेश गर्ने तय भएको उनले जानकारी दिए ।
माओवादी केन्द्रको पाँच दिने केन्द्रीय समिति बैठक आजदेखि प्रज्ञा भवन कमलादीमा चल्दै छ । माओवादी केन्द्रले केन्द्रीय समिति बैठक लाइभ नगर्ने निर्णय समेत लिएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
