काठमाडौँ । डोटीको पूर्वीचौँकी गाउँपालिकामा रहेका १२ महिना सम्मका बालबालिकाहरु तथा आमाहरुलाई पोषण सामाग्री वितरण गरिएको छ ।

मानवीय सेवामा अनेकौँ प्रयास नामक गैर सरकारी संस्थाले पुर्वीचौँकी गाउँपालिका–५ काडामाडौँका ८२ जना आमाहरुलाई पोषण सामाग्री वितरण गरेको हो ।

कुखुराको अण्डा, आयोडिन नुन, चना, खाने तेल, साबुन लगायतका सामग्री वितरण गरिएको मानवीय सेवामा अनेकौँ प्रयास संस्थाका अध्यक्ष भक्तराज जोशीले जानकारी दिए ।

बालबालिका र महिलाहरुको स्वास्थ्यलाई ध्यान दिएर संस्थाले काम गरिरहेको बताउँदै जोशीले बालबालिकाहरुलाई कुपोषण लाग्न नदिन काम गरेको बताए ।