काठमाडौँ । त्रिभुवन विश्वविद्यालयका उपप्राध्यापक प्रेम चलाउनेमाथि आक्रमण गर्ने सिराहा गोलबजार घर भई हाल काठमाडौँ कपन बस्ने २७ वर्षीय रविनकुमार लामा पक्राउ परेका छन् ।

लामालाई जिल्ला प्रहरी परिसर काठमाडौँको टोलीले टोखाबाट आज पक्राउ गरेको जिल्ला प्रहरी परिसर काठमाडौँका प्रमुख एवं प्रहरी वरिष्ठ उपरीक्षक भुपेन्द्र खत्रीले जानकारी दिए ।

उनका अनुसार लामाविरुद्ध पक्राउ पूर्जी जारी भएकाले पक्राउ गरिएको हो । जिल्ला अदालत काठमाडौँले गएको मङसिर ७ गते चलाउनेमाथि आक्रमण गर्ने ६ जनालाई २ वर्ष कैद सजाय सुनाएको थियो ।