काठमाडौँ । नेपाली बजारमा सुनको मूल्य घटेको छ। गत आइतबारदेखि सुनको मूल्य लगातार बढिरहेकोमा बिहीबार भने मूल्य घटेको नेपाल सुनचाँदी व्यवसायी महासंघले जनाएको हो।

महासंघका अनुसार आज बजारमा छापावाल सुन प्रतितोला १ लाख ३६ हजार ६ सय रूपैयाँमा कारोबार भइरहेको छ।

यो अघिल्लो दिनको तुलनामा प्रतितोला २ सय रूपैयाँ कम हो। बुधबार सुन प्रतितोला १ लाख ३६ हजार ८ सय रूपैयाँमा कारोबार भएको थियो। यो‍ हालसम्मकै उच्च विन्दु हो।

महासंघका अनुसार आज तेजाबी सुन भने प्रतितोला १ लाख ३५ हजार ९ सय ५० रूपैयाँमा कारोबार भइरहेको छ।बिहीबार चाँदीको मूल्य भने यथावत छ।

यस दिन चाँदीको मूल्य प्रतितोला १ हजार ७ सय रूपैयाँ तोकिएको छ।आज अन्तर्राष्ट्रिय बजारमा सुन प्रतिऔंस २३ सय ४३ अमेरिकी डलरमा कारोबार भइरहेको छ।