काठमाडौं । सिन्धुपाल्चोकमा जन्ती बस दुर्घटना भएको छ । सिन्धुपाल्चोकको त्रिपुरा सुन्दरी गाउँपालिका वडा नम्बर ५ धारावतीमा दुर्घटना भएको हो ।

तीन जनाको घटनास्थलमै मृत्यु भएको छ । ५२ जना घाइते भएका छन् ।

दोलखाबाट सिन्धुपाल्चोकको पिस्कर जाँदै गरेको बा ४ ख ५६१६ नम्बरको बस आज बिहान सात बजेर तिर दुर्घटना भएको थियो ।

जिल्ला प्रहरी कार्यालय सिन्धुपाल्चोकका प्रवक्ता निरञ्जन भट्टराईले दिएको जानकारी अनुसार घाइतेहरुलाई उपचारका लागि बाह्रबिसे तर्फ लैजाने काम जारी रहेको छ भन्ने मृत्यु हुनेको सनाखत हुन बाँकी छ ।