अमेरिकाको राष्ट्रपतिमा डोनाल्ड ट्रम्पको जित सुनिश्चित

सुनौलो नेपाल
बुधबार, २१ कार्तिक २०८१

काठमाडौं । अमेरिकाको राष्ट्रपतिमा रिपब्लिकन उम्मेदवार डोनाल्ड ट्रम्पको जित सुनिश्चित भएको छ ।

डेमोक्रेटिक उम्मेदवार कमला ह्यारिसलाई पछि पार्दै ट्रम्प दोस्रोपटक राष्ट्रपति बन्ने पक्का भएका हुन् ।

अमेरिकामा राष्ट्रपति चुनिन २७० इलेक्टोरल कलेज जित्नुपर्छ । उनले अहिलेसम्म २६७ प्राप्त गरिसकेका छन् । प्रतिस्पर्धी मानिएका सात राज्यमध्ये तीन वटामा उनले जित हासिल गरिसकेका छन् भने बाँकी चार राज्यमा पनि उनी अगाडि छन् ।

सात स्वीङ स्टेटमध्ये फ्लोरिडा, नर्थ क्यारोलिना र पेन्सलभेनियामा जितेका ट्रम्प अन्य राज्यको मतगणनामा पनि ठूलो अन्तरले अगाडि छन् ।

ट्रम्प सन् २०१६ मा पहिलोपटक राष्ट्रपति चुनिएका थिए । अमेरिकी राष्ट्रपतिको कार्यकाल चार वर्षको हुन्छ ।

सम्बन्धित विषय:

अमेरिका डोनाल्ड ट्रम्प

ताजा अपडेट

लोकप्रिय

अमेरिकाको राष्ट्रपतिमा डोनाल्ड ट्रम्पको जित सुनिश्चित