काठमाडौं । आर्थिक गतिविधि सुस्तताको असर पेन्ट (रंग) उद्योगमा पनि परेको छ । व्यापार घटेपछि पेन्ट उद्योगको आम्दानी कम भएको हो ।

बहुराष्ट्रिय कम्पनी एसियन पेन्टसको व्यापार आधा घटेको छ । २०२२ मा ८ अर्ब ५७ करोड ४० लाख रुपैयाँको रंग व्यापार गरेको एसियन पेन्ट्सको यो वर्ष २०२४ मा आधा घटेको छ । यो वर्ष उद्योगको रंग व्यापार ४ अर्ब ६७ करोड ४० लाख रुपैयाँमा सिमित भएको छ । यो वर्ष मात्र उद्योगको रंग व्यापार ४० प्रतिशत घटेको छ ।

२०२३ मा एसियनले ७ अर्ब ८० करोड ७० लाख रुपैयाँ व्यापार गरेको थियो । २०२२ मा ६ अर्ब २८ करोड ५० लाख रुपैयाँ रंग व्यापार गरेको थियो । व्यापार कम भएपछि उद्योगको अपरेटिङ मार्जिन घटेर ९ प्रतिशतमा सिमित भएको छ । २०२२ मा २१.५, २०२३ मा १८ र २०२१ मा १८.८ प्रतिशत थियो ।

एसियन पेन्ट्सको नेपाली बजारमा बलियो उपस्थिती रहेको छ । चार वर्षको अवधिमा एसियन पेन्ट्सले २७ अर्ब ३४ करोड रुपैयाँ रंग व्यापार गरेको सार्वजनिक गरेको वित्तीय विवरणमा उल्लेख छ ।

पछिल्लो पाँच वर्षमा एसियन पेन्ट्सले लगानीकर्तालाई ३० देखि ३५ प्रतिशत लाभांश दिँदै आएको छ ।

उद्योगको नेटवर्थ बेस ६ अर्ब ७० करोड रुपैयाँ छ । एसियन पेन्ट्सले १ अर्ब ५० करोड रुपैयाँ ऋणको रेटिङ गराएको छ ।

भारतीय लगानीमा सन् १९८३ मा स्थापना भएको एसियन पेन्ट्स नेपाल रंग उत्पादन तथा बिक्री वितरण गर्र्दै आएको छ । उद्योगले १ लाख ८ हजार ८ सय टन रंग उत्पादनका लागि सरकारबाट अनुमतिपत्र (लाइसेन्स) पाएको छ ।

उद्योगमा एसियन पेन्ट्स इन्डिया लिमिटेडको ५३ प्रतिशत हिस्सा रहेको छ । यस्तै रवि एसोसियट्सको ९ प्रतिशत छ । बाँकी ३८ प्रतिशत स्वामित्व विभिन्न २७ सेयर होल्डरको छ । उद्योग हेटौडामा रहेको छ ।

उद्योगले विभिन्न रंगहरू जस्तै सिमेन्ट, इमल्सन, डिस्टेम्पर, नाइफिङ पेस्ट, साल्भेन्ट र प्राइम अन्डरकोटलगायत दर्ता भएका ४४ विभिन्न ब्रान्डहरू उत्पादन गर्र्दै आएको छ ।

यसबाहेक, सन् २०२२ देखि एसियनले क्रोम प्लेटेड बाथरूम फिटिङ्सको एसेम्बलीका लागि उत्पादन थालेको हो ।