शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शुक्रवार , मंसिर २१, २०८१
काठमाडौं । सिद्धार्थ बैंक नेपाल प्रिमियर लिग (एनपिएल) मा पोखरा एभेन्जर्सले लुम्बिनी लायन्सलाई १० विकेटले हराएर पहिलो जित हात पार्दा केही रेकर्डहरू पनि बनेका छन् ।
पोखराका आन्द्रेस गौस एनपिएलमा शतक प्रहार गर्ने पहिलो खेलाडी बनेका छन् । उनले ५४ बलमा १२ चौका र ५ छक्कासहित १०० रन बनाए । १०० रन जोड्ने क्रममा उनले सर्वाधिक छिटो अर्धशतक पनि बनाए । उनले २० बलमा अर्धशतक पूरा गरे ।
गौस र दिनेश खरेलले सर्वाधिक रनको साझेदारी पनि बनाए । उनीहरूले अविजित १७६ रनको साझेदारी गरे ।
यसअघि जनकपुरका लाहिरु मिलन्था र हर्ष ठाकेरले विराटनगरविरुद्ध तेस्रो विकेटका लागि अविजित १ सय १६ रनको साझेदारी गरेका थिए । साथै जारी एनपिएलमा विकेटको आधारमा १० विकेटको जित सर्वाधिक अन्तरको जित पनि बनेको छ ।
यो पनि :
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस