पाकिस्तान । पाकिस्तानी विदेश मन्त्रालयले देशको सुरक्षा बलहरूले अफगानिस्तानसँगको सीमा क्षेत्रमा आफ्ना जनतालाई तेहरिक–ए–तालिबान पाकिस्तान (टीटीपी) लगायतका आतंककारी समूहहरूबाट जोगाउन आतंकवाद विरोधी कारवाही गरेको बताएको छ ।

पाकिस्तानको विदेश कार्यालयका प्रवक्ता मुमताज जाहरा बलोचले आक्रमणको बारेमा जानकारी दिँदै कारबाहीहरू सावधानीपूर्वक योजनावद्ध रहेको बताइन् ।

अफगानिस्तानको सार्वभौमसत्ताको लागि पाकिस्तानको सम्मान दोहोर्याउँदै बलोचले लगातार आतंकवादी खतराहरूलाई सम्बोधन गर्न वार्ता र सहयोगको लागि देशको प्राथमिकतालाई उजागर गरिन् ।

अफगानिस्तानले पाकिस्तान विरुद्ध आतंकवादी हमलाहरूका लागि आफ्नो भूमिको प्रयोग रोक्नको लागि उपायहरू लिने आशा लिइन् ।

अफगान कार्यवाहक सरकारका प्रवक्ता जबिहुल्लाह मुजाहिदले पाकिस्तानले पाक्टिका प्रान्तको बर्मल जिल्लाका चार स्थानमा मंगलबार राति बमबारी गरेको र त्यसमा ४६ जनाको ज्यान गएको बताए । जसमध्ये अधिकांश महिला र बालबालिका थिए । अफगान सरकारका उपप्रवक्ता हमदुल्लाह फित्रातले हवाइ हमलामा कम्तीमा ५१ जनाको मृत्यु भएको पुष्टि गरे ।