ढलेँ–ढलेँ गीत मनोरञ्जनका लागि पार्टी उत्सवहरुमा सुहाउला, राजनीतिमा सुहाउँदैन : प्रधानमन्त्री ओली

सुनौलो नेपाल

शुक्रवार , माघ १८, २०८१

ढलेँ–ढलेँ गीत मनोरञ्जनका लागि पार्टी उत्सवहरुमा सुहाउला, राजनीतिमा सुहाउँदैन : प्रधानमन्त्री ओली

काठमाडौं । प्रधानमन्त्री केपी शर्मा ओलीले आफू नेतृत्वको सरकार आगामी ०८४ सालसम्म टिक्ने दाबी गरेका छन् । शुक्रबार संघीय संसद्को हिउँदे अधिवेशनलाई सम्बोधन गर्दै उनले यस्तो बताएका हुन् ।

गायिका शान्तिरानी परियारले गाएको ‘म त ढलेँ, ढलेँ’ बोलको गीत स्मरण गर्दै प्रधानमन्त्री ओलीले विपक्षी दलहरूले सरकार आजै ढल्छ भोलि ढल्छ भनेर व्यर्थमा समय खेर फालेको बताए ।

उनले भने, ‘ढलेँ–ढलेँ भन्ने गीत बजारमा अलि प्रचारमा छ । त्यस्तै प्रायः राजनीतिक नेताहरूले गाएको सुन्छु । ढल्यो ढल्यो ढल्यो‘ आज ढल्यो, भोलि ढल्यो, बिहान ढल्यो, बेलुका ढल्यो, राति ढल्यो, ढल्यो, ढल्यो, यो गीत मनोरञ्जनका लागि पार्टी उत्सवहरुमा सुहाउला, राजनीतिमा त्यति सुहाउँदैन।’