मुम्बई । बलिउडमा मिस्टर फरफेक्शनिस्ट उपनामले चर्चित अभिनेता आमिर खानले आफूलाई मोबाइल फोनसँग टाढै राख्ने निर्णय गरेका छन् ।

आफ्नो कामप्रति निकै लगाव राख्ने यि अभिनेता फिल्म ‘लाल सिंह चढ्डा’ रिलिजको तयारीमा लागेका छन् । यद्यपी यो फिल्म भने यही वर्षको डिसेम्बर २४ मा मात्र रिलिज हुनेछ । आफ्नो काममा फोनले लगातार अवरोध गरेको बताउँदै आमिरले मोबाइल फोन नबोक्ने घोषणा गरेका हुन् ।

फिल्ममा आफ्नो भूमिका निकै बफादारीका साथ निभाउने अभिनेताको रुपमा आमिरलाई लिइन्छ । फिल्ममा आमिरसँग करिना कपुरको जोडी बाँधिएको छ । पिके, तारे जमिन पर, गजनी, धूम ३ जस्ता हिट फिल्म दिएका आमिरको लाला सिंह चढ्डा पनि निकै प्रतिक्षित फिल्म रहेको छ ।