काठमाडौँ । राष्ट्रियसभा अध्यक्ष नारायणप्रसाद दाहालले ४ विधेयकहरूलाई प्रमाणित गरेका छन् । अध्यक्ष दाहालले राष्ट्रियसभामा उत्पत्ति भएका विधेयकहरूलाई सोमबार प्रमाणित गरेका हुन् ।
अध्यक्ष दाहालले प्रमाणित गरेका विधेयकहरूलाई प्रमाणीकरणका लागि मङ्गलवार राष्ट्रपतिकहाँ पठाइने उनको सचिवालयले जानकारी दिएको छ ।
संविधानको धारा ११३ को उपधारा (१) बमोजिम राष्ट्रियसभा अध्यक्षले प्रमाणित गरी धारा ११३ को उपधारा (२) बमोजिम विधेयक प्रमाणीकरणका लागि राष्ट्रपतिसमक्ष पेश गर्नुपर्दछ ।
विधेयक राष्ट्रपतिले प्रमाणित गरेपछि कानुन बन्ने कानुनी व्यवस्था छ ।
यी हुन् प्रमाणित गरिएका विधेयकहरू :
१) सुरक्षित कारोबार (पहिलो संशोधन) विधेयक, २०८०
२) विद्युतीय व्यापार विधेयक, २०८०
३) विधायनसम्बन्धी विधेयक, २०८०
४) भ्रष्टाचार निवारण (पहिलो संशोधन) विधेयक, २०७६
प्रतिक्रिया दिनुहोस