बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बुधवार , आषाढ २५, २०८२
काठमाडौं। स्वास्थ्य बीमा कार्यक्रममा आबद्ध नागरिकले गम्भीर ८ रोगको उपचारमा अब दुई लाख रुपैयाँसम्मको उपचार सुविधा पाउने भएका छन्।
अब क्यान्सर, मुटु, मिर्गौला, हेड इन्जुरी, स्पाइनल इन्जुरी, सिकलसेल एनिमिया, पार्किन्सोनिजम र अल्जाइमरका बिरामीले दुई लाखसम्मको उपचार सेवा पाउने भएका हुन् ।
स्वास्थ्यमन्त्री प्रदीप पौडेलले ८ प्रकारका बिरामीले साउन १ गतेदेखि दुई लाख रुपैयाँसम्मको उपचार सुविधा पाउने बताएका छन्।
मन्त्री पौडेलले भने, ‘कडा रोग लागेर स्वास्थ्य उपचारका लागि खर्च जुटाउन नसकेर समस्या भोगिरहेका नागरिकको पीडामा राहत दिने सोचका साथ साउन १ गतेबाट ८ प्रकारका बिरामीले हाम्रो पूर्वप्रतिबद्धता अनुसार स्वास्थ्य बीमा कार्यक्रममार्फत दुई लाखको उपचार प्राप्त गर्ने व्यवस्था गरेका छौँ ।’
स्वास्थ्य बीमा अन्तर्गत हाल एक लाख रुपैयाँको उपचार सुविधा दिइँदै आएकामा साउन १ देखि ८ प्रकारका रोग लागेका बिरामीको हकमा सुविधा रकम बढाइएको हो।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस