काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई आज काठमाडौं ल्याइँदैछ । गत चैत २५ गतेदेखि उच्च अदालत बुटवलको आदेशपछि रवि हाल रुपन्देही कारागारमा छन् ।
सहकारी ठगी प्रकरणमा पुर्पक्षका लागि थुनामा रहेका उनलाई आज नख्खु कारागारमा सरुवा गरेर ल्याउन लागिएको हो । लामिछानेलाई भैरहवाबाट दिउँसो ३ बजे बुद्ध एयरको जहाजबाट काठमाडौं ल्याउन लागिएको जनाइएको छ ।
कारागार सरुवाका लागि लामिछानेले दिएको निवेदनको आधारमा उनलाई काठमाडौं ल्याउन लागिएको हो ।
उनले गत जेठमै नख्खु कारागारमा सरुवाका लागि निवेदन दिएका थिए । जसमा अदालतले समेत अनुमति दिए पनि गृहमन्त्री रमेश लेखकको दबाबमा रोकिएको थियो ।
प्रतिक्रिया दिनुहोस