राजनीति छोडेको घोषणा गर्दै गोरखाका वडाध्यक्ष लामा विदेश पलायन

सुनौलो नेपाल

बुधवार , भाद्र ११, २०८२

राजनीति छोडेको घोषणा गर्दै गोरखाका वडाध्यक्ष लामा विदेश पलायन

गोरखा । गोरखा चुमनुब्री गाउँपालिका–६ का वडाध्यक्ष सरोज लामा रोजगारीका लागि विदेशिएका छन् । वडाध्यक्ष लामाले राजनीतिबाट सदाको लागि बिदा भएको घोषणा गर्दै बिदेसिएको बताएका छन् ।

उनले सामाजिक सन्जालमा स्टाटस लेख्दै आफूले इमान्दारीपूर्वक काम गरेको तर जस नपाएकाले विदेशिएको उल्लेख गरेका छन् ।

‘सकेसम्म सबैको चित्त बुझाउने गरी इमान्दारिताका साथ मेरो क्षमताले भ्याएसम्मको भूमिका र कार्य सम्पादन गरियो तर जति गर्दा पनि कहिले पनि जस नपाउने कामले आफूले गरेको कामबाट मलाई कहिले पनि आत्मसन्तुष्टि भएन । त्यसैले अबदेखि यो राजनीतिबाट सदाको लागि बिदा भएको निर्णयसहितको घोषणा गर्दै जिन्दगीलाई पुनस् एकपटक शून्य अर्थात जिरोबाट सुरुवात गर्न यो युवा पनि परदेश लागियो,’ उनले फेसबुकमा लेखेका छन् ।