काठमाडौं । नेकपा एमालेका पूर्वसांसद देवीप्रसाद भट्टचन ठगी आरोपमा पक्राउ परेका छन् ।
नेपाल प्रहरी केन्द्रीय अनुसन्धान ब्युरोले प्रभु ग्रुपका सञ्चालक तथा पूर्व सांसद भट्टचनलाई ठगी, आपराधिक विश्वासघात, आपराधिक लाभ र नेपाल राष्ट्र बैङ्क ऐन, २०५८ अन्तर्गतको कसुरमा पक्राउ गरेको हो ।
सीआईबीले उनलाई मङ्गलवार ललितपुरबाट पक्राउ गरेको हो । भट्टचनविरुद्ध यसअघि नै उजुरी परे पनि एमाले सरकारमा हुँदा जोगिँदै आएका थिए ।
ठाकुर प्रसाद मानन्धरलगायतको जाहेरीका आधारमा दायर मुद्दामा अनुसन्धान गर्दै आएको सीआईबीले भट्टचनलाई पक्राउ गरिएको केन्द्रीय अनुसन्धान ब्युरोले जनाएको छ ।
भट्टचनविरुद्ध ९८ करोड रुपैयाँ ठगी गरेको आरोप छ ।
प्रतिक्रिया दिनुहोस