बिहिवार, जेठ २८ गते २०८३
बिहिवार, जेठ २८ गते २०८३
बिहिवार, जेठ २८ गते २०८३
बिहिवार , मंसिर १८, २०८२
काठमाडौं । जेनजी प्रदर्शनबारे छानबिन गर्न गठित उच्चस्तरीय जाँचबुझ आयोगले काठमाडौँका तत्कालीन प्रमुख जिल्ला अधिकारी छवि रिजालसँग बयान लिएको छ। मङ्सिर १७ र १८ मा सिंहदरबारस्थित आयोगको कार्यालयमा उनीसँग सोधपुछ गरिएको हो।
भदौ २३ र २४ मा भएको जेनजी प्रदर्शनका क्रममा रिजाल काठमाडौंको प्रमुख जिल्ला अधिकारी थिए। बानेश्वरमा किशोरहरूको ज्यान जानेगरी गोली चलाउन आदेश दिएको आरोपपछि उनलाई तीव्र आलोचना गरिएको थियो। आलोचनाका कारण जिल्ला प्रशासन कार्यालय काठमाडौंको वेभसाइटबाट उनका फोटो समेत हटाइएको थियो।
आयोगका एक सदस्यका अनुसार रिजालसँग दुई दिनसम्म बयान लिइए पनि केही प्रश्न अझै बाँकी छन्। “छवि रिजालको बयान अन्तिम चरणमा छन्, शुक्रबार केही प्रश्नहरूको जवाफ दिन बोलाउनेछौँ,” उनले बताए।
यसअघि आयोगले सशस्त्र प्रहरीका कार्य विभाग प्रमुख नारायणदत्त पौडेल, प्रहरीका एआईजी सिद्धिविक्रम शाह, राष्ट्रिय अनुसन्धान विभागका पूर्व प्रमुख हुतराज थापा, पूर्वमुख्यसचिव एकनारायण अर्यालसहित करिब १५० जनासँग सोधपुछ र बयान लिइसकेको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस