बलिउड अभिनेत्री करिना कपूरले आफ्नो गर्भावस्थाको अनुभव समेटिएको पुस्तक सार्वजनिक गरेकी छन् । पुस्तकमा गर्भावस्थाको शारीरिक र मानसिक अनुभव समेटिएको उनले बताएकी छन् । आफ्नो पुस्तकलाई ‘तेस्रो बच्चा’को संज्ञा दिएकी उनले भनिन्, ‘कैयौं अर्थमा यो पुस्तक मेरो तेस्रो बच्चाजस्तै हो । कन्सेप्ट आइडियादेखि लिएर पुस्तक प्रकाशनसम्मको यात्रालाई म गर्भावस्थाको नाम नै दिन्छु ।’

सुरुमा उनले दर्शक र समर्थकलाई झुक्याउने गरी इन्स्टाग्राममा एउटा तस्वीर राखिन्, जसमा गर्भावस्थाको प्रसंग छ । ‘सोनोग्राफी’को तस्वीरसँगै लेखिन्, ‘केही रोमाञ्चक चिजमा लामो समयदेखि काम गरिरहेकी छु । यो त्यो काम होइन, जो तपाईं सोच्दै हुनुहुन्छ । छिट्टै यसको घोषणा गर्नेछु । तबसम्म यसै प्लेटफर्ममा रहनुहोला ।’

उनको यो तस्वीर देखेपछि समर्थकहरूले करिना तेस्रो पल्ट आमा बन्न लागेको अनुमान गरेका थिए । तर केही समयमै उनले भिडियोसहित सन्देश लेखिन् । यसले उनी गर्भवती भएको नभई गर्भावस्थामा उनले भोगेका विषय समेटिएको पुस्ताक भएको जानकारी दिएको छ । 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kareena Kapoor Khan (@kareenakapoorkhan)