काठमाडौं । नेकपा एमालेका नेता तथा आगामी फागुन २१ गते हुने प्रतिनिधिसभा सदस्य निर्वाचनका लागि कैलाली क्षेत्र नम्बर–२ का उम्मेदवार सुर्यबहादुर थापाले देशमा रोजगारी सिर्जना गर्ने र उत्पादन बढाउने कुरामा जोड दिने बताएका छन् ।
सुनौलो नेपालको निर्वाचन विशेष बहस कार्यक्रम ‘अब तपाई किन ?’ मा बोल्दै उनले सो कुरा बताएका हुन् । उनले देशमा स्वरोजगार सिर्जना गर्ने र स्वदेशमै बसेर पैसा कमाउने वाताबरण कसरी बनाउने ? भन्ने कुरामा आफूले विशेष पहल गर्ने बताए । उनले यसका लागि कृर्षि, पशुपालन, फलफुल खेतीमा परिवर्तन गरेर स्वरोजगारी बढाउन सकिने बताए ।
त्यस्तै, उनले विदेशमा रहेका युवालाई स्वदेश फर्काउनका लागि प्रेरणादायक कार्यक्रम ल्याउन पहल गर्ने बताए । उनले रोजगारी सिर्जना गर्न नसक्नुले पनि युवाहरुमा देश र नेताप्रति आक्रोश बढेको बताए । भदौ २३–२४ को जेनजी आन्दोलनको कारण त्यो पनि भएको बताए । देशमा रोजगारी नहुँदा युवाहरु विदेशीनु परेको र त्यही कारण युवाहरुमा देशप्रति घृणा बढेको उनले बताए ।
भिडियो :
https://youtu.be/QwE2CykYPDw
प्रतिक्रिया दिनुहोस