काठमाडौं । नेकपा एमालेका सांसद सुहाङ नेम्वाङले प्रभावशाली ढङ्गले जनता र देशको हितमा आवाज उठाउने बताएका छन् ।
बिहीबार सपथ कार्यक्रममा सहभागी हुन सिंहदरबारमा पुगेका नेम्वाङले यसअघि जस्तै नयाँ संसदमा पनि प्रभावशाली ढङ्गले जनता र देशको हितमा आवाज उठाउने बताएका हुन् ।
उनले आफुहरु सत्तापक्ष–प्रतिपक्ष भन्दा पनि देश र जनताको हितको लागि काम गर्न जनताले पठाइकाले इमान्दार र निष्ठापूर्वक कार्य गर्ने धारणा राखे । त्यस्तै नेम्वाङले दलको नेता चयनका बारे पार्टीमा छलफल नभएपनि आफुलाई प्रस्ताव गरे खुट्टा नकमाउने बताए ।
उनले आफुप्रतिको सद्भाव र शुभेच्छालाई निराश हुन नदिने समेत बताए ।
प्रतिक्रिया दिनुहोस