काठमाडौं । चितवनको नागढुंगा–मुग्लिन सडक आजदेखि तीन दिनसम्म राति बन्द रहने भएको छ । सडक स्तरोन्नति कामका क्रममा इच्छाकामना गाउँपालिका–४ घोप्टेभिर लगायतका स्थानमा राति १० बजेदेखि बिहान ४ बजेसम्म सवारी आवागमन बन्द गरिने छ ।
जिल्ला प्रशासन कार्यालय चितवनले जारी गरेको सूचनामा अत्यावश्यक बाहेकका सबै सवारीसाधन रोक्ने निर्णय गरिएको उल्लेख छ । सडक बन्द हुँदा यात्रुहरूले कठिनाइ भोग्न सक्ने चेतावनी पनि दिइएको छ ।
यसअघि पटक–पटक सवारी आवागमन रोकिँदा यात्रुहरूमा असुविधा भइरहेको भन्दै आयोजनाले समयावधि निर्धारण गरेको हो ।

प्रतिक्रिया दिनुहोस