बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बुधवार , चैत्र २५, २०८२
काठमाडौं । विश्व युद्धको संघारमा पुगेको मध्यपूर्वको तनावमा अचानक एउटा यू–टर्न आएको छ । अमेरिकी राष्ट्रपति डोनाल्ड ट्रम्पले इरानमाथि गर्ने भनिएको बमबारी र सैन्य कारबाहीलाई दुई साताका लागि थाती राख्ने घोषणा गरेका छन् ।
ट्रम्पले आफ्नो सामाजिक सञ्जाल ट्रुथ सोसल मार्फत यो जानकारी दिँदै यसलाई बृहत् युद्धविरामतर्फको पहिलो पाइलाका रूपमा व्याख्या गरेका छन् । रोचक कुरा त के छ भने, यो निर्णयमा छिमेकी मुलुक पाकिस्तानको भूमिका निर्णायक देखिएको छ ।
ट्रम्पका अनुसार पाकिस्तानका प्रधानमन्त्री शहबाज शरीफ र सेना प्रमुख असिम मुनिरसँगको गहन छलफलपछि यो अस्थायी राहतको निर्णय लिइएको हो । पाकिस्तानी नेतृत्वले सम्भावित मानवीय क्षति र क्षेत्रीय अस्थिरतालाई मध्यनजर गर्दै आक्रमण टार्न विशेष आग्रह गरेका थिए ।
यो युद्धविराम निःशर्त भने होइन । ट्रम्पले स्पष्ट शब्दमा भनेका छन्— इरानले सामरिक रूपमा महत्वपूर्ण स्ट्रेट अफ होर्मुज समुद्री मार्ग पुनः खोल्नुपर्छ । विश्वको तेल व्यापारको लाइफलाइन मानिने यो जलमार्ग सुचारु हुनुलाई नै अमेरिकाले वार्ताको मुख्य कडी मानेको छ ।
राष्ट्रपति ट्रम्पले इरानबाट १० बुँदे शान्ति प्रस्ताव प्राप्त भएको खुलासा गरेका छन् । उनले भनेका छन्, यो दुई पक्षीय युद्धविराम हुनेछ । हामीले अधिकांश महत्वपूर्ण विषयमा प्रारम्भिक सहमति गरिसकेका छौं र यो दुई साताको समयले अन्तिम सम्झौतामा पुग्न मद्दत गर्नेछ ।
ह्वाइट हाउसकी प्रेस सचिव क्यारोलिन लेभिटले अबको दिशा कूटनीतिक संवादले तय गर्ने बताएकी छन् । यता, इजरायल पनि यस अवधिमा आक्रमण रोक्न सहमत भएको ट्रम्पको दाबी छ । यसअघि सभ्यता समाप्त पारिदिने धम्की दिएका ट्रम्पको यो नरम अवतारले अन्तर्राष्ट्रिय समुदायलाई भने राहत दिएको छ ।
आगामी निर्णायक वार्ता पाकिस्तानमा हुने संकेत देखिएको छ । यदि इरानले होर्मुज जलमार्ग खोल्यो र १० बुँदे प्रस्तावमा हस्ताक्षर भयो भने, यो ट्रम्प प्रशासनको ठूलो कूटनीतिक सफलता मानिनेछ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस