एमाले सचिवालय बैठकमा निर्वाचनको समिक्षा र पार्टीको आन्तरिक बिषयमा छलफल

सुनौलो नेपाल

शुक्रवार , जेठ ८, २०८३

काठमाडौं । नेकपा एमाले सचिवालय बैठकमा निर्वाचनको समिक्षा र पार्टीको आन्तरिक बिषयमा छलफल भएको छ ।

पार्टी अध्यक्ष केपी शर्मा ओलीको निवास गुण्डुमा शुक्रबार बसेको सचिवालय बैठकमा ५ जना उपाध्यक्षहरूले धारणा राखेको उपमहासचिव लेखराज भट्टले जानकारी दिए । सचिवालयका अन्य १२ जनाले शनिबार धारणा राख्ने उनले बताए । शुक्रबारको बैठकमा कार्यविभाजनको विषयमा प्रवेश नभएपनि केही विषयमा संशोधन हुनसक्ने उनले बताए ।

सचिवालयको बैठक शनिबार साढे ११ बजे पुनः बस्ने भट्टले बताए । पार्टी अध्यक्ष केपी शर्मा ओलीले गत जेठ ५ गतेको बैठकमाकार्यविभाजन सम्बन्धी प्रस्ताव प्रस्तुत गरेका थिए । उक्त प्रस्तावलाई छलफलपछि परिमार्जनका साथ अघि बढाउने एमालेको तयारी छ ।