बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बिहिवार , जेठ २१, २०८३
काठमाडाैं । सिंगापुरमा जारी एसियन गेम्स क्वालिफायर अन्तर्गत नेपालले मलेसियाविरुद्ध शानदार जित निकालेको छ ।
आज भएको खेलमा नेपालले मलेसियालाई १६७ रनले हराउँदै समूह विजेता बनेर एसियन गेम्समा स्थान बनाएको हो । मलेसियाले पनि यसअघि नै एसियन गेम्समा स्थान बनाइसकेको छ ।
२७६ रनको लक्ष्य पछ्याएको मलेसियाले २० ओभरमा ९ विकेट गुमाएर १०८ रन मात्र बनायो । मलेसियाका लागि कप्तान सयाद अजिजले सर्वाधिक ५४ रन बनाए । त्यस्तै, सरभिन मुनिएन्डीले १८ रन, ओपनर मुहम्मद हजिक एमानले १३ रन बनाए ।
बलिङमा नेपालका लागि शेर मल्लले उत्कृष्ट बलिङ गर्दै ४ ओभरमा १४ रन दिएर ३ विकेट लिए । सन्दीप लामिछानेले आज ४ ओभरमा १४ रन दिएर १ विकेट लिए । त्यस्तै, सोमपाल कामी, करण केसी, दीपेन्द्रसिंह ऐरी र कुशल मल्लले समान एक–एक विकेट लिए ।
त्यसअघि सिंगापुर नेशनल क्रिकेट मैदानमा मलेसियाले टस जितेर फिल्डिङ रोजेपछि ब्याटिङ गरेको नेपालीले निर्धारित २० ओभरमा सात विकेटको क्षतिमा २७५ रनबनाएको थियो ।
नेपालका लागि ओपनर कुशल भुर्तेलले मलेसियाविरुद्ध ५४ बलमा १४ चौका र ८ छक्का सहयोगमा १२६ रन बनाए ।
आशिफ शेखले २४ बलमा ५ चौका र ७ छक्कासहित ६८ रन बनाए । कप्तान दीपेन्द्रसिंह ऐरीले ११ बलमा १ चौका र ४ छक्का सहयोगमा ३१ रन बनाए ।
मलेसियाका लागि विरनदिप सिंहले तीन विकेट लिए । सयाद अजिज र विजय युन्नीले समान दुई विकेट लिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस