४० वर्षपछि मेक्सिकोको ऐतिहासिक जित, इक्वेडरलाई २–० ले हराउँदै अन्तिम १६ मा प्रवेश

सुनौलो नेपाल

बुधवार , आषाढ १७, २०८३

४० वर्षपछि मेक्सिकोको ऐतिहासिक जित, इक्वेडरलाई २–० ले हराउँदै अन्तिम १६ मा प्रवेश

काठमाडौं । सहआयोजक मेक्सिको फिफा विश्वकप २०२६ को अन्तिम १६ (राउन्ड अफ १६) मा प्रवेश गरेको छ । बुधबार बिहान मेक्सिको सिटीस्थित ऐतिहासिक एज्टेका स्टेडियममा भएको रोमाञ्चक भिडन्तमा इक्वेडरलाई २–० गोलअन्तरले पराजित गर्दै मेक्सिकोले अन्तिम १६ मा प्रवेश गरेको हो ।

मेक्सिकोका लागि सन् १९८६ को विश्वकपटिप्पणी पछि, अर्थात् ४० वर्षपछि विश्वकपको नकआउट चरणमा जित निकालेको यो पहिलो ऐतिहासिक अवसर हो ।

घरेलु दर्शकको उल्लेख्य समर्थन पाएको मेक्सिकोले खेलको सुरुवातमै आक्रामक खेल प्रदर्शन गर्‍यो । खेलको २१औँ मिनेटमा जुलियन क्विनोनेसले उत्कृष्ट गोल गर्दै मेक्सिकोलाई सुरुवाती अग्रता दिलाए ।

त्यसको ठीक १० मिनेटपछि, अर्थात् खेलको ३१औँ मिनेटमा अनुभवी स्ट्राइकर राउल जिमेनेजले अर्को गोल थपेपछि मेक्सिकोले पहिलो हाफमै २–० को बलियो अग्रता बनायो । बाँकी समयमा इक्वेडरले बल पोसेसनमा पकड बनाए पनि मेक्सिकोको बलियो रक्षापङ्क्ति तोड्न सकेन र खेल मेक्सिकोले आफ्नो पक्षमा पार्यो ।

यो जितसँगै मेक्सिकोले एज्टेका स्टेडियममा आफ्नो अपराजित कीर्तिमानलाई कायम राखेको छ । समूह चरणमा दक्षिण अफ्रिका, दक्षिण कोरिया र चेक रिपब्लिक जस्ता बलिया टोलीहरूलाई लगातार पराजित गर्दै मेक्सिको नकआउट चरणमा प्रवेश गरेको थियो ।

यता, मेक्सिकोसँग स्तब्ध भएसँगै इक्वेडरको विश्वकप यात्रा भने समाप्त भएको छ । पाँचौँपटक विश्वकप खेलिरहेको इक्वेडर आफ्नो इतिहासमा दोस्रोपटक मात्र समूह चरण पार गर्न सफल भएको थियो, तर ऐतिहासिक अज्टेका मैदानमा मेक्सिकोको तगारो पन्छाउन ऊ असफल रह्यो ।