काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले स्वतन्त्र उम्मेदवारहरूले माओवादीका जस्तै कुरा र व्यवहार गरेका कारण निर्वाचनमा जितेको दावी गरेका छन् । नवनिर्वाचित जनप्रतिनिधिको प्रशिक्षण कार्यक्रममा बोल्दै उनले यस्तो बताएका हुन् ।

नवनिर्वाचित जनप्रतिनिधिको प्रशिक्षण कार्यक्रममा बोल्दै उनले भने, ‘माओवादीले गर्ने व्यवहार जस्तो गरेका स्वतन्त्रले जितेका छन्। हामीले जे भन्थ्यौं, धारो–पानी ल्याउने, शोषण र विभेद हटाउने तथा जनताका समस्या सबै हल गर्ने। उनीहरूले पनि त्यहि भनेर जितेका हुन्।’

माओवादी केन्द्रले राम्रोसँग काम नगरेको देखेपछि जनताले स्वतन्त्रलाई जिताएर देखाउँछौं भनेर सबक सिकाएको उनको भनाइ छ।