काठमाडौं– नेपाली कांग्रेसका केन्द्रीय सदस्य प्रकाश रसाइली ‘स्नेही’ले सत्ता समीकरण फेरबदलको विषयलाई लिएर आकस्मिक केन्द्रीय समिति बैठक माग गरेका छन् ।

सत्ता गठबन्धनबाट बाहिरिँदै माओवादी केन्द्रका अध्यक्ष पुष्पकमल दाहाल ‘प्रचण्ड’ले आफू नेतृत्वमा सरकार गठन गरेलगत्तै रसाइलीले बैठक माग गरेका हुन् । ‘गठबन्धन कांग्रेसले किन जोगाउन सकेन ? यो विषयमा गम्भीर समीक्षा हुनुपर्छ,’ उनले भने, ‘कांग्रेसले आफ्नो ठोस धारणा सार्वजनिक गर्नुपर्छ ।’

रसाइली कांग्रेसमा शेखर कोइराला समूहमा छन् । उनले आफ्नो समूहको बैठक बोलाउन पनि माग गरेको जानकारी दिए ।