कैलाली । प्रहरीले कैलालीको धनगढीमा आफ्नै घरमा आगो लगाएको आरोपमा एक जना पक्राउ गरेको छ ।

जाँडरक्सी खाएर घरमा आगो लगाएको आरोपमा धनगढी उपमहानगरपालिका–३ का वीरबहादुर विष्टलाई पक्राउ गरिएको हो ।

उनले दुई दिनअघि आफ्नै पक्की घरमा आगो लगाउँदा लत्ता कपडा, सोफासेट, बिजुलीको वाइरिङ तारलगायतका मालसामान जलेर झण्डै ७० हजार रुपैयाँ बराबरको क्षति भएको थियो ।

सुदूरपश्चिम प्रदेश प्रहरी कार्यालयका अनुसार प्रहरी र स्थानीयको प्रयासमा राति नै आगो नियन्त्रणमा लिइएको हो ।