डोटी । डोटीमा भालुको आक्रमण बाट एक जना महिला घाइते भएकी छन् । जिल्लाको आदर्श गाउँपालिका–२ कुचेडा बस्ने शेरबहादुर बोहराकी श्रीमती २४ वर्षीया देउसरा बोहरा घाइते हुनु भएको जिल्ला प्रहरी कार्यालय डोटीले जनाएको छ ।

घर नजिकै रहेको जंगलमा आज शनिबार घाँस काट्ने क्रममा भालुले आक्रमण गरी निजको बायाँ हात, दाहिने खुट्टा र कम्मरमा चोट लागेको प्रहरी निरीक्षक सिताराम विष्टले जानकारी दिनुभयो ।

घाइते महिलालाई मौवा स्वास्थ्य चौकीमा उपचार गरी थप उपचारको लागि सेती प्रादेशिक अस्पताल धनगढी रिफर गरिएको प्रहरीले जनाएको छ ।