काठमाडौँ । क्रिकेटर सन्दीप लामिछानेको पुनरावेदनमा उच्च अदालत पाटनले झगडिया झिकाउन आदेश दिएको छ ।
न्यायाधीश नृपध्वज निरौलाको एकल इजलासले सो आदेश गरेका हुन् ।

झगडिया झिकाउने आदेश गर्दै न्यायधीशले मुद्दालाई प्रक्रियामा लगेका बताइएको छ । सन्दीपको मुद्दामा झगडिया झिकाएर न्यायधीशले सुनवाइ आवश्यक रहेको सन्देश दिएका जानकारहरु बताउछन् । उच्च अदालतमा आज सन्दीपको मुद्दा पहिलो नम्बरमै परेको थियो ।

पुनरावेदन मुद्दामा यदि झगडिया झिकाइनु एउटा औपचारिक प्रक्रियाभएको र यदि तल्लो तहको अदालतले गरेका फैसलामाथि न्यायाधीशले पुनरावलोकन आवश्यक देखेको खण्डमा झगडिया झिकाउने आदेश गर्ने गर्छन् । यो भनेको मुद्दाका दुवै पक्षहरुलाई बोलाउन वा खबर गर्न भनिएको हो ।

यदि तल्लो तहको अदालतले गरेको फैसला ‘क्लीन’ वा खोटमुक्त देखिएमा झगडिया झिकाउने आदेश नहुन पनि सक्छ । यस्तो अवस्थामा जिल्ला अदालतले गरेको आदेश स्वतः सदर भएको मानिन्छ । जसलाई ‘सुरु सदर’ भन्ने गरिन्छ ।