काठमाडौं । जलवायु परिवर्तनसँग लड्न मुक्तिनाथ विकास बैंकले ‘मुक्तिनाथ आर्ट फर अर्थ कम्पिटिसन’को आयोजना गरेको छ । कलाको थिम ‘कम्ब्याटिङ क्लाइमेट चेन्ज एन्ड ग्लोबल वार्मिङ’ रहेको बैंकले जनाएको छ ।

नेपालको कुनै पनि विद्यालयमा ८ देखि १० कक्षामा अध्ययनरत विद्यार्थीहरुले आर्ट फर अर्थ कम्पिटिसनमा भाग लिन पाउने भएका छन् ।

आर्ट कम्पिटिसनमा जित्ने ग्रान्ड विनरलाई ५० हजार र क्षेत्रिय विजेतालाई १० हजार रुपैयाँ पुरस्कार प्रदान गर्ने बैंकले जनाएको छ ।

मंसिर २७ गते बिहीबारसम्म रहेको बैंकले जनाएको छ । विजेता घोषणा पुस ६ गते हुने भएको छ । एक क्षेत्रबाट बढीमा ५० जनाले भाग लिन पाउने बैंकले जानकारी दिएको छ ।

‘जनता बैंक मा होइन, बैंक जनतामा जानु पर्दछ’ भन्ने नाराका साथ सन् २००७ मा स्थापित मुक्तिनाथ विकास बैंकले नेपालमा अग्रणी विकास बैंकको रूपमा आफ्नो परिचय बनाएको छ ।

बैंकले देशभर रहेका आफ्ना १७९ वटा शाखा कार्यलय र ४५०० भन्दा बढी मुक्तिनाथ रेमिट एजेन्टमार्फत सेवा प्रवाह गर्दै आएको छ । बैंकको बजार हिस्सा ९.४७ प्रतिशत छ ।