मुम्बई । बलिउड अभिनेता रणवीर कपुरलाई कोरोना संक्रमण भएको छ । रणवीरको आमा नितु कपुरले इन्स्टाग्राममा पोस्ट सेयर गर्दै यस कुराको जानकारी दिएकी हुन् ।
यस अगाडि पनि रणवीर बिरामी भएर आइसोलेसनमा बसेका थिए तर के भएको भन्ने पुष्टि गरिएको थिएन । हाल उनी घरमै आइसोलेसनमा रहेका छन् । केहि समय अघि नितु कपुर र अभिनेता वरुण धवन पनि चलचित्र ‘जुग जुग जियो’ को सुटिङका क्रममा संक्रमित भएका थिए । रणवीरको दुई चलचित्र ‘ब्रह्मास्त्र’ र ‘एनिमल’ रिलिज हुने क्रममा छन् ।