शनिवार, आषाढ २० गते २०८३
शनिवार, आषाढ २० गते २०८३
शनिवार, आषाढ २० गते २०८३
आइतवार , जेठ १९, २०८२
काठमाडौं । पर्यटक बस व्यवसायी संघले यातायात व्यवसायीको आन्दोलनका कारण पर्यटकले दुःख पाएको भन्दै प्रदर्शन गरेको छ ।
यातायात व्यवसायीको आन्दोलनका कारण पर्यटक बसहरु समेत चल्न नपाएपछि पर्यटक बस व्यवसायी संघले विभिन्न प्लेकार्डसहित काठमाडौंको सोह्रखुट्टेमा प्रदर्शन गरेको हो ।
उनीहरूले ‘पर्यटक बस सुचारु गरौं’, ‘स्वदेशी, विदेशी दुवै पर्यटक हुन्’ जस्ता प्लेकार्ड बोकेका थिए । संघले पर्यटक ओसार्ने गाडीमा अवरोध नगर्नसमेत आग्रह गरेको छ ।
गण्डकी प्रदेश सरकारले ल्याएको राइड सेयरिङसम्बन्धी नियमावलीको विरोध जनाउँदै यातायात व्यवसायीले शुक्रबारदेखि प्रदेशभर सार्वजनिक यातायात ठप्प पारेका छन् । जसमा पर्यटकीय सवारी साधनलाई पनि अवरोध पुगेको छ ।
यसैबीच, गण्डकी प्रदेश सरकारले आन्दोलनरत यातायात व्यवसायीलाई वार्तामा आउन पुनःआह्वान गरेको छ ।
भौतिक पूर्वाधार विकास तथा यातायात व्यवस्था मन्त्रालयले आज पत्रकार सम्मेलन गर्दै यातायात व्यवसायीका मागका सन्दर्भमा छलफल गरी निकास निकाल्न वार्ताका लागि आह्वान गरेको हो । यसअघि बुधबार वार्तामा बोलाइएकामा उनीहरू वार्तामा आएका थिएनन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस