काठमाडौं । पूर्वराष्ट्रपति विद्यादेवी भण्डारी सम्भवत : दश वर्षपछि एमाले पार्टी कार्यालय पुगेकी छन् ।
उनी नेकपा एमालेका अध्यक्ष केपी शर्मा ओलीलाई भेट्न च्यासल पुगेकी हुन् ।
एमालेको पोलिटब्युरो बैठकमा भण्डारीको एमालेको सदस्यता सम्बन्धी विवाद चर्को रूपमा उठेको थियो। नेताहरूले विवाद मिलाउन अध्यक्ष समेत रहेका ओलीलाई जिम्मा दिएका थिए। सोही विषयमा छलफल गर्न ओलीले भण्डारीलाई बोलाएका हुन् ।
सुरक्षाबाहेक सेवा सुविधा त्याग गरेर पूर्वराष्ट्रपति भण्डारी एमालेको राजनीतिमा सक्रिय हुने तयारीमा छिन्।
च्यासलमा पार्टी कार्यालय सरेपछि भण्डारी अध्यक्ष ओलीलाई भेट्न पहिलो पटक आज कार्यालय पुगेकी हुन्।






प्रतिक्रिया दिनुहोस