काठमाडौं।  स्पेनिस ला लिगा फुटबलमा बार्सिलोना विजयी भएको छ। सोमबार राति भएको खेलमा बार्सिलोनाले रियल भालाडोलिडलाई १-० गोलले हराएको हो। 

बार्सिलोनाको जितमा ओस्मान डेम्बेलेले निर्णायक गोल गरे । उनले खेलको ९० औँ मिनेटमा गोल गरे । 

घरेलु मैदानमा भएको खेलमा बार्सिलोनाले १० खेलाडीमा सीमित भएको भालाडोलिडलाई पराजित गरेको हो । ७९ औँ मिनेटमा प्लानोले सीधै रातो कार्ड पाएपछि रियल भालाडोलिड १० खेलाडीमा सीमित भएको थियो ।

जितसंगै बार्सिलोनाको २९ खेलबाट ६५ अंक भएको छ । भालाडोलिड भने २७ अंकसहित १६ औँ स्थानमा छ ।