बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
आइतवार , भाद्र ८, २०८२
काठमाडौं । विशेष अदालतले राष्ट्रिय सूचना प्रविधि केन्द्रका तत्कालीन निर्देशक सुनिल पौडेललाई एक लाख धरौटीमा छाड्न आदेश गरेको छ ।
विशेष अदालतका अध्यक्ष टेकनारायण कुँवर, न्यायाधीशहरू मुरारीबाबु श्रेष्ठ र विदुर कोइरालाको इजलासमा थुनछेक बहसपछि पौडेलसँग १ लाख धरौटी माग्ने आदेश भएको हो ।
पौडेललाई अख्तियारले गत असार २७ गते पौने १६ करोड रुपैयाँ भ्रष्टाचार गरेको अभियोगमा मुद्दा दायर गरेको थियो ।
अख्तियार दुरुपयोग अनुसन्धान आयोगले पौडेलसहितलाई प्रतिवादी बनाएर गत असार २७ मा मुद्दा दायर गरेको थियो ।
अख्तियारले केन्द्रबाट आर्थिक वर्ष ०७६–७७ मा गुरुयोजना तयार नगरी मिलेमतोमा हाइ कम्प्युटर इन्फ्रास्टक्चर खरिदमा १५ करोड आठ लाख ५० हजार भ्रष्टाचार भएको दाबीसहित मुद्दा दायर गरेको थियो ।
उक्त कामका लागि केन्द्रले भ्याटसहित ३० करोड ९९ लाख ९९ हजार ९९९ रुपैयाँ ७९ पैसाको लागत अनुमान तयार गरी बोलपत्र आह्वान गरी वर्ल्ड डिस्ट्रिव्युसन नेपाल प्रालि कान्तिपथसँग सम्झौता गरेको थियो ।
सम्झौतामा भ्याट बिलसहित ३० करोड ६५ लाख ५५ हजार ७६३ रुपैयाँ एक पैसामा खरिद गर्ने उल्लेख छ ।
तर विशेष अदालतको आदेशका कारण मात्रै उनी थुनामुक्त हुन पाउने छैनन् । यसअघिका अरु भ्रष्टाचार मुद्दामा उनलाई थुनामा पठाउन आदेश भएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस