डोल्पो समाज गुम्वामा शान्ति पूजाको आयोजना

सुनौलो नेपाल

मंगलवार , कार्तिक २५, २०८२

काठमाडौं । विश्वशान्ति र मानवकल्याणहेतु काठमाडौंको डोल्पो समाज गुम्वामा शान्ति पूजाको आयोजना गरिएको छ । माथिल्लो डोल्पाका ६७ जना रिम्पोछो गुरु, सयभन्दा बढि लामा गुरुहरु र अन्य विदेशी बौद्ध धर्म गुरु र अनुयायीहरुले सामूहिक रुपमा शान्ति पूजा गरेका हुन् ।

डोल्पो समाजको आयोजनामा मंगलबारबाट सुरु भएको भएको शान्ति पूजा चार दिनसम्म चल्ने बताइएको छ । सोही अवसरमा डोल्पा मार्गोम गुम्वाका प्रमुख रिम्पोछे स्वर्गीय क्याव्जे मार्गोम रिम्पोछेको सम्झनामा निर्मित स्तुपामा बौद्ध परम्परा अनुसार प्राण प्रतिष्ठा गरिएको थियो ।