ईडीएफ जम्बोरी नेपालद्वारा बहु-गन्तव्य प्रवेश दिवस २०२६ को घोषणा

सुनौलो नेपाल

मंगलवार , माघ ६, २०८२

ईडीएफ जम्बोरी नेपालद्वारा बहु-गन्तव्य प्रवेश दिवस २०२६ को घोषणा

काठमाडाैं । ईडीएफ जम्बोरी नेपालले बहु-गन्तव्य प्रवेश दिवस २०२६ आयोजना गर्ने घोषणा गरेको छ। उक्त कार्यक्रम सोमबार, फेब्रुअरी 2026, बिहान १०:०० बजे देखि साँझ ५:०० बजे सम्म, न्यू प्लाजा, पुतलीसडकस्थित सिम्खडा प्लाजाको छैटौं तलामा सञ्चालन हुनेछ। यो बहुप्रतिक्षित अन्तर्राष्ट्रिय शैक्षिक मेलामा संयुक्त राज्य अमेरिका, अष्ट्रेलिया, युनाइटेड किङ्डम, क्यानडा तथा युरोपका प्रतिष्ठित विश्वविद्यालयहरूका आधिकारिक प्रतिनिधिहरू एउटै छानामुनि उपस्थित रहनेछन्। यस कार्यक्रमले विदेश अध्ययन गर्न चाहने नेपाली विद्यार्थीहरूलाई एकै स्थानमा विभिन्न देशका अवसरहरू बुझ्ने अद्वितीय अवसर प्रदान गर्नेछ। कार्यक्रम विद्यार्थी, अभिभावक, काउन्सेलर तथा शैक्षिक पेशेवरहरूका लागि विशेष रूपमा डिजाइन गरिएको हो, जहाँ सहभागीहरूले विश्वविद्यालयका प्रतिनिधिसँग प्रत्यक्ष भेटघाट गरी कोर्स छनोट, भर्ना प्रक्रिया, छात्रवृत्ति, भिसा प्रक्रिया तथा पोस्ट–स्टडी वर्क अवसरहरू बारे स्पष्ट जानकारी प्राप्त गर्न सक्नेछन्।

बहु-गन्तव्य प्रवेश दिवस २०२६ ले विद्यार्थीहरूलाई वर्षभरि छुट्टाछुट्टै देशका मेलामा धाउनुपर्ने झन्झटबाट मुक्त गर्दछ। एकै दिनमै विभिन्न देशका विश्वविद्यालय तुलना गर्न, अध्ययन खर्च बुझ्न तथा भविष्यका करियर सम्भावनाबारे निर्णय गर्न सकिनेछ।

कार्यक्रमको मुख्य उद्देश्यलाई झल्काउने नारा “सबै कुरा यहाँ सुरु हुन्छ” ले विद्यार्थीहरूको अन्तर्राष्ट्रिय शैक्षिक यात्राको सुरुवात यहीँबाट हुने सन्देश दिन्छ। कार्यक्रमका प्रमुख विशेषताहरू यसप्रकार छन्: ● तत्काल कन्डिसनल अफर तथा आवेदन शुल्क छुट (Fee Waiver) ● विश्वविद्यालय प्रतिनिधिबाट प्रत्यक्ष भिसा तथा एडमिसन स्पष्टता ● One-on-One काउन्सेलिङ सत्र ● देश तुलना तथा करियर गाइडेन्स सेसन ● छात्रवृत्ति, शिक्षा कर्जा तथा पोस्ट–स्टडी वर्क परमिटसम्बन्धी जानकारी ईडीएफ जम्बोरी नेपालले १५ वर्षभन्दा बढीको अनुभव सहित हालसम्म ५,००० भन्दा बढी विद्यार्थीहरूलाई विश्वका विभिन्न विश्वविद्यालयहरूमा सफलतापूर्वक अध्ययनका लागि पठाइसकेको छ। साथै, १,००० भन्दा बढी अन्तर्राष्ट्रिय विश्वविद्यालयहरूसँगको साझेदारी मार्फत EDF ले आफूलाई नेपालको विश्वासिलो शैक्षिक परामर्श संस्थाका रूपमा स्थापित गरेको छ। कार्यक्रममा सहभागी हुन इच्छुक विद्यार्थी तथा अभिभावकहरूले +977 9823319642 मा सम्पर्क गर्न वा ईडीएफ जम्बोरी नेपाल, ६औं तल, सिम्खडा प्लाजा, न्यू प्लाजा, पुतलीसडकमा प्रत्यक्ष रूपमा जानकारी लिन सकिने कम्पनीले जनाएकाे छ। कार्यक्रम बिहान १०:०० बजे देखि साँझ ५:०० बजे सम्म सञ्चालन हुने र विदेश अध्ययनमा रुचि राख्ने सबै विद्यार्थीहरूका लागि खुला रहने कम्पनीले जनाएकाे छ।

सम्बन्धित विषय:

प्रतिक्रिया दिनुहोस

write your comment

Anonymous

Name

Phone

Comment

0/1000

Your information is secure and private

No Comments Yet

Be the first to comment!

ताजा अपडेट

२४ घन्टाका ताजा अपडेट

चर्चित