इटहरी । रामादा बाई विन्धाम इटहरीले यस वर्षको श्रावण महिनामा बोलबम यात्रामा सहभागी हुने भक्तजनका लागि विशेष सहयोग कार्यक्रम घोषणा गरेको छ। 

प्रत्येक वर्ष हजारौं श्रद्धालु सहभागी हुने यो धार्मिक यात्रा बराहक्षेत्र, चतराबाट सुरु हुन्छ, जहाँ भक्तजनहरूले सप्तकोशी नदीबाट पवित्र जल संकलन गर्छन्। त्यसपछि उनीहरू पैदल यात्रा गर्दै धरानस्थित पिण्डेश्वर महादेव मन्दिर पुगेर भगवान् शिवलाई जलाभिषेक अर्पण गर्छन्। 

धार्मिक मान्यताअनुसार देवता र असुरबीच भएको समुद्र मन्थनपछिको संग्रामका क्रममा प्राप्त अमृतको दिव्य अंशबाट पिण्डेश्वरको शिवलिङ्ग प्रकट भएको विश्वास गरिन्छ। यही धार्मिक विश्वासका कारण पिण्डेश्वर महादेव मन्दिर पूर्वी नेपालको सबैभन्दा श्रद्धापूर्वक पूजिने शिवालयमध्ये एक मानिन्छ।

यस विशेष प्याकेज अन्तर्गत वान नाइट डिलक्स रूम स्टे प्याकेजमा बसाइ, बुफे ब्रेकफास्ट, अतिरिक्त खानामा १५% छुट तथा स्विमिङ पुल र फिटनेस सेन्टरको सुविधा समावेश गरिएको छ। एक जनाको बसाइका लागि शुल्क रु. ६,५०० र दुई जनाको बसाइका लागि रु. ७,५०० निर्धारण गरिएको छ। यी शुल्कमा लागू हुने कर भने समावेश गरिएको छैन।

यस प्याकेजबारे बोल्दै होटलका महाप्रबन्धक अभिमन्यु कायस्थले भने, "बोलबम यात्रा यस क्षेत्रको महत्वपूर्ण धार्मिक परम्परा हो। हरेक वर्ष श्रद्धाका साथ यो यात्रा गर्ने भक्तजनसँग सहयात्रा गर्नु र उहाँहरूलाई सहयोग गर्नु हाम्रो जिम्मेवारी पनि हो भन्ने हामीले महसुस गरेका छौं।" उनले यस सहयोगले यात्रालाई केही सहज बनाउन र भक्तजनको आस्था तथा समर्पणप्रति सम्मान व्यक्त गर्न मद्दत पुग्ने विश्वास व्यक्त गरे।

रामादा बाई विन्धाम इटहरीले पूर्वी नेपाललाई संस्कृति, अध्यात्म र धार्मिक पर्यटनको महत्वपूर्ण गन्तव्यका रूपमा प्रवर्द्धन गर्दै आएको छ। 

आरामदायी आवास र उत्कृष्ट सेवासँगै होटलले पिण्डेश्वर महादेव मन्दिर, बराहक्षेत्र धाम तथा कोशी टप्पु वन्यजन्तु आरक्षजस्ता धार्मिक तथा प्राकृतिक गन्तव्यको भ्रमण गर्न चाहने पाहुनाका लागि सहज आधारस्थलको भूमिका निर्वाह गर्दै आएको छ। यसमार्फत पाहुनाहरूले यस क्षेत्रको धार्मिक सम्पदा, सांस्कृतिक परम्परा र प्राकृतिक सौन्दर्यलाई नजिकबाट अनुभव गर्न सक्नेछन्।

रामादा बाई विन्धाम इटहरीले स्थानीय धार्मिक तथा सांस्कृतिक परम्पराको संरक्षण र प्रवर्द्धनमा निरन्तर साथ दिँदै आएको छ। साथै, देशका विभिन्न स्थानबाट आउने भक्तजन तथा पर्यटकलाई सहज, सुरक्षित र गुणस्तरीय आतिथ्य सेवा प्रदान गर्दै आएको छ।

रामादा बाई विन्धाम इटहरीको बारेमा:

पूर्वी नेपालको प्रमुख व्यावसायिक केन्द्र इटहरीमा अवस्थित रामादा बाई विन्धाम इटहरीले अन्तर्राष्ट्रिय मापदण्ड सहितको उच्चस्तरीय आतिथ्य सेवा र आधुनिक सौन्दर्यलाई समेटेको छ। ८१ वटा आकर्षक कोठा तथा सुइट भएको यो होटलले व्यवसायिक यात्रु तथा पर्यटकहरू दुवैलाई लक्षित गरी सेवा प्रदान गर्दै आएको छ, जहाँ अन्तर्राष्ट्रिय स्तरको हस्पिटालिटीलाई नेपालको न्यानो आतिथ्य परम्परासँग सुन्दर ढंगले संयोजन गरिएको छ। 

पाहुनाहरूले होटलभित्र अवस्थित चारवटा विशेष भोजन स्थलहरू NUA, सुत्र लाउन्ज, एरिया र सुक्र बारमा विभिन्न स्वादिष्ट परिकारको मजा लिन सक्नेछन्। साथै ब्यान्क्वेट हल, फराकिलो ओपन लन, स्विमिङ पुल र आधुनिक फिटनेस सेन्टरजस्ता प्रिमियम सुविधाहरू पनि उपलब्ध छन्। 

पूर्वी नेपालको आर्थिक तथा पर्यटन गतिविधिको केन्द्रबिन्दुमा रहेको यो होटल हस्पिटालिटी, ईभेन्ट्स तथा विशेष अनुभवहरूको लागि एक प्रमुख गन्तव्यका रूपमा स्थापित हुँदै गएको छ।