आइतवार, जेठ २४ गते २०८३
आइतवार, जेठ २४ गते २०८३
आइतवार, जेठ २४ गते २०८३
बुधवार , माघ १४, २०८२
काठमाडौं । राष्ट्रिय स्वतन्त्र पार्टीका सभापति रवि लामिछानेको स्वास्थ्य अवस्था सामान्य रहेको त्रिभुवन विश्वविद्यालय शिक्षण अस्पतालले जनाएको छ ।
अस्पतालका अनुसार माघ ५ गते जनकपुरमा आयोजित कार्यक्रममा सहभागी हुने क्रममा लामिछानेको देब्रे खुट्टामा चोट लागेको थियो । औषधि सेवन गर्दा पनि समस्या निको नभएपछि खुट्टामा सेलुलाइटिस देखिएको र माघ १३ गते शिक्षण अस्पतालको हाडजोर्नी विभागमा भर्ना गरिएको विज्ञप्तिमा उल्लेख छ ।
अस्पतालका प्रवक्ता डा. गोपाल सेडाईंका अनुसार लामिछानेको नशामार्फत आईभी एन्टिबायोटिक दिएर उपचार भइरहेको छ । हाल उनको स्वास्थ्य अवस्था सामान्य रहेको अस्पतालले जनाएको छ ।
यसैबीच, सामाजिक सञ्जालमा सार्वजनिक भएका केही तस्बिरहरू शिक्षण अस्पतालसँग सम्बन्धित नभएको स्पष्ट पार्दै अस्पतालले यस्ता भ्रामक सूचनामा नपर्न आग्रह गरेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस