आइतवार, जेठ २४ गते २०८३
आइतवार, जेठ २४ गते २०८३
आइतवार, जेठ २४ गते २०८३
बिहिवार , माघ २९, २०८२
काठमाडौं । आगामी फागुन २१ को निर्वाचनलाई लक्षित गर्दै देशव्यापी चुनावी अभियानमा होमिएका राष्ट्रिय स्वतन्त्र पार्टी (रास्वपा) का सभापति रवि लामिछानेले आज स्याङ्जाको वालिङमा मतदाताहरूसामु ठूलो बाचा गरेका छन्।
चितवन, रूपन्देही, नवलपरासी र कास्की हुँदै स्याङ्जा आइपुगेका लामिछानेले वालिङ बजारमा आयोजित सभालाई सम्बोधन गर्दै आफ्नो पार्टीलाई पाँच वर्ष स्थायी सरकार चलाउने अवसर दिन आग्रह गरे।
उनले जनतासँग मत माग्ने क्रममा चुनौतीपूर्ण शैलीमा भने, ‘हामीलाई पाँच वर्ष देश बनाउने जिम्मा दिनुस्, यदि काम गर्न सकेनौं भने अहिले तपाईंहरूले प्रेमपूर्वक बजाएको यो घण्टीले हामीलाई नै बजाइदिए हुन्छ।’
सभापति लामिछानेले पार्टीका उम्मेदवारहरूको इमानदारी र जवाफदेहिताका विषयमा पनि कडा अभिव्यक्ति दिए। स्याङ्जाबाट रास्वपाका उम्मेदवारले जितेर गएपछि जनताको मतको अपमान हुने कुनै काम गरेमा उनीहरूलाई यहीँको चौतारामा ल्याएर छोडिदिने र जनताले जे–जस्तो कारबाही गरे पनि आफूलाई मन्जुर हुने उद्घोष उनले गरे।
लामिछाने आउने खबरले बिहानैदेखि स्याङ्जाका सडकहरूमा समर्थक र सर्वसाधारणको बाक्लो उपस्थिति रहेको थियो। वालिङको कार्यक्रम सकेर उनी अहिले पाल्पाका मतदाताहरूसँगको भेटघाटका लागि त्यसतर्फ प्रस्थान गरिसकेका छन्।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस