बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बिहिवार , फाल्गुण २८, २०८२
काठमाडौं । धनुषा–१ मा राष्ट्रिय स्वतन्त्र पार्टीका उम्मेदवार किशोरी साहको नाम कालोसूचीमा नराख्न सर्वोच्च अदालतले अन्तरिम आदेश जारी गरेको छ ।
गलत ढंगले आफ्नो नाम कालोसूचीमा राखिएको दाबीसहित उनी सर्वोच्च अदालत पुगेका थिए । सर्वोच्चका न्यायाधीश शारङ्गा सुवेदीको एकल इजलासले कालोसूचीबाट नाम हटाउन अन्तरिम आदेश जारी गरेको हो ।
नेपाल राष्ट्र बैंक र कर्जा सूचना केन्द्रको नाममा अन्तरिम आदेश जारी गरेको हो । सोही मुद्धाका कारण फागुन २१ को प्रतिनिधिसभा निर्वाचनमा निर्वाचन आयोगले साहको उम्मेदवारी खारेज गरेको थियो ।
धनुषा १ बाट रास्वपाका तर्फबाट प्रतिनिधिसभाका उम्मेदवार बनेका साहको कर्जा सूचना केन्द्रले कालोसूचीमा नाम राखेका कारण उम्मेदवारी खारेज भएको थियो । सो विरुद्ध सर्वोच्चमा उनले दिएको रिट शुक्रबारका लागि पेसी छ ।
उम्मेदवारी खारेज भए पनि धनुषा–१ मा उनले अत्यधिक मत पाएका थिए । सो क्षेत्रमा उनको उम्मेदवारी खारेज भएका कारण आयोगले नेकपाका उम्मेदवार मात्रिका यादवलाई निर्वाचित घोषणा गरेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस